LUNGLENTHLAK (Ṭhalai Entu Silver Jubilee Pualin)

Zirna leh eizawnna thil avanga mahni in lum chhuahsan a tul avangin kum 2011 atang kha chuan hmun dangah ka awm bo va, tunah chuan mahni venga haw châng pawhin mikhual emaw min titu an kat nuk tawh mai.

Chutih lai chuan kan KTP Branch Secretary hnen atangin lehkhathawn ka dawng nawlh mai a, ka han en chiang a, sawmna lehkha a lo ni a. Chu sawmna lehkhaah chuan kan Branch chanchinbu Thalai Entu chhuah tan atanga a kum 25-na champha lawm tur a nih thu leh he lawmna hunah hian kum 1993, a chhuah tan kum atanga kumin 2018 thlenga chanchinbu enkawl hna lo thawk thinte an sawm thu leh chawimawina thuziak hlan an nih tur thu a lo inziak kuau mai a, ka va phur tehlul em! Pathianin rem a tih chuan kal ve ngei ka tum nghet hmiah a.

A hun a thleng ta, Ni 8 October 2018 zan dar 6:20 ah chuan Leitan Kohhran Hall ka thleng chho va, kan pa te rual tam tak pawh an lo tei suau suau tawh a. Dar 6:30 ah chanchinbu Silver Jubilee lawmna hun chu kan hmang tan ta a.

OPEN LETTER TO MY SECRET CRUSH

A kamkeuna

Keini ang, Pu Biaka Sikul chhuak, Primary Sikul kal chhuah hnu pawha Middle Sikul pawh Pu Roliana Sikula zir chhunzawm tan chuan hnamdang ṭawng hriat thiam hi a harsa takzet a. Eng nge an sawi hriatthiam chu sawi loh, kan rilrua thu lo langte mingo ṭawnga han thai lan ngat phei chu a huphurhawm dan hi sawifiah thiam a harsa hial zawk ang chu! 

Mahse, hringnun hi chona-a khat a ni miau va, kan thiam lohte hi chona nena kan hmachhawn loh chuan hmasawnna awm thei hek lo le... Hei pui, leilung pian tirh ata a vawi khatna turin English in thu ka han thaikawi ve ngawt mai a. Dam ve manah vawi khat na na na chu hnamdang ṭawnga thuziak khawrpum ve hi ka tum ber a ni miau si a. Hetiang hian ka rawn ziak chhuak ve ta ngawt mai. 

HLA PHUAHTU ROPUI HANDEL LEH HALLELUJAH CHORUS

Kum 2011 ni tain ka hria, kan Branch KṬP fellowship ah thupui thlansa bik Hla leh a phuahtute tih sawi turin min ruat ve hlauh mai a. Hei hi KṬP hungchhunga hun ka neihna hmasa ber a ni nghe nghe. Chuta ka thusawite zinga pakhat chu ka han pho chhuak ve reng reng ang e. -  Angaiha Chhangte

George Frideric Handel, Hla phuahtu hmingthang tak hi February 23, 1685 khan Germany-ah alo piang a. A pian lai hian a pa hi kum 63 mi lai a ni tawh!Germany hi a pianna ram ni mah se, A damchhungin England-ah hun a hmang tam ber thung. Hla phuahtu hmingthang a nihna chu kan hre vek ang a, Handel hian Henry Purcell a ngaisang a, kawng tam takah ani  hian a influence viau niin an sawi.

A damchhungin hla a phuah hnem hman hle a. Opera 42, oratorios 29, organ concerti 16 mai bakah genre dang chi hrang hrangah hla 120 chuang lai a phuah hman a ni. Heng zinga a lar ber chu “Messiah” a ni a. Mizo ten kan hriat lar em em, Halleluiah Chorus pawh hi Messiah a phuah atanga lakchhuah a ni.

THLALAK TESTIMONY

Hmanni mai khan kan ṭhianpa, thla thar (March) a nupui nei mai tur chu mo lawmna ruai buatsaihna tur thing lain kan pui a. Khua a lum a, thlan a tla ve nasa a, tlai lamah phei chuan kan lo ngo vak lo bawk nen, kan hmai pawh a tliang hlurh tawh a! Chu lai tak chuan kan U Nghakmawia hian ka ṭhu hahchawl lai chu thla min lo laksak chu niin... Make up chhuak thar leh ṭha ber ber nen pawha ka mawi loh tehlul nen, tuna thlalaka in hmuh ang hian ka va han chhe chiangkuang lehzual tak em ve aw! Chu thlalak (tuna i hmuh lai ngei mai hi) chu WhatsApp a KṬP group ah a rawn post a. Chu hmel kutdawh zet hmang chuan eng ráu emaw ni hian min rawn pawl ta a.